Opna aðalvalmynd

Þorsteinn Gylfason

Þorsteinn Gylfason (1942 – 2005) var íslenskur heimspekingur.

TilvitnanirBreyta

  • „[...] sannleikurinn er sá sem við kennum börnum að segja, og sá sem við viljum að standi í fréttablöðum og skólabókum. Kannski þarf hugtakið engrar frekari skýringar við.“
Úr „Sannleikur“ í Er vit í vísindum?
  • Heimspeki og bókmenntir eru ekki að öllu leyti ólíkar. Eitt er að á báðum sviðum höfum við fyrir okkur lifandi starf á líðandi stund í sambýli við sígildan arf.“
  • „Er ekki jafnvel þorstinn fagnaðarefni yfir glasi af góðu víni?“
Í inngangi að Birtíngi eftir Voltaire
  • „Sannast sagna eru rit Hegels um vísindaleg efni þvílíkt hyldýpi heimsku og vanþekkingar, jafnt á þeirra tíma mælikvarða sem þessara, að það hlýtur að teljast ein helzta ráðgáta í gervallri sögu mannlegrar hugsunar hvers vegna maður sem hafði látið annan eins samsetning frá sér fara varð ekki að athlægi um heimsbyggðina þegar í stað. En vegir heimsandans eru órannsakanlegir. Margar kenningar Hegels um viðfangsefni vísindanna át Friedrich Engels eftir honum, Lenín eftir Engels, og nú síðast Maó Tse-tung eftir Lenín. Til dæmis má nefna þá kenningu þeirra Leníns og Maós að jákvæður og neikvæður rafstraumur séu þráttarfyrirbæri rétt eins og plús og mínus í reikningi og stéttarbaráttan í félagsfræði. Þess ber að geta að kenning Hegels um rafmagn virðist mun flóknari, en því miður er ókleift að láta hana í ljósi á annarri tungu en móðurmáli meistarans. Skilgreining Hegels á rafmagni hefst eitthvað á þessa leið: „Rafmagn er hinn hreini tilgangur formsins sem leysir sjálfan sig úr viðjum þess; það er formið sem tekur að sigrast á skeytingarleysi sínu...“.“
Úr bókinni Tilraun um manninn.
  • „Öll heimspeki er tilraun og annað ekki: Tilraun um manninn.“
Úr bókinni Tilraun um manninn.
  • „[...] öll orð eru margræð og eiga að vera það“
Í ritgerðinni „Líf og sál“ í Sál & mál, bls. 234.

TenglarBreyta