Magnús
Magnús er kvikmynd frá árinu 1989. Hún fjallar um lögfræðing sem er hugsanlega með krabbamein.
- Leikstjóri Þráinn Bertelsson. Handrit Þráinn Bertelsson
Tilvitnanir
breytaHelena: Ertu ekkert að vinna?
Ólafur: Ekki núna. Annars er ég í Háskólanum. Svo hef ég mest verið á Kleppi... Ég var að vinna við skúringar.
Helena: En í Háskólanum, ertu í skúringum þar líka?
Ólafur: Það eru því miður ekki kenndar skúringar. Svo ég fór bara í guðfræði.
Óðinn læknir: Nú er að duga eða... Ja núna er bara að standa sig.
Magnús: Teddi, finnst þér aldrei eins og þú sért búinn að fá nóg?
Theódór: Það kemur samt alltaf meira. Eins og til dæmis í leikhúsi. Aldrei dytti mér í hug eftir að ég er búinn að kaupa mig inn að fara aftur út án þess að sjá endirinn.
Theódór: Hva, á hvað ertu þú eiginlega að skjóta pabbi minn?
Ólafur: Ég er að fæla burt ránfugl.
Theódór: Það eru engvir ránfuglar hérna.
Ólafur: Það er vegna þess að ég fæli þá burt jafn óðum.
Ólafur: Sástu þennan litla?
Theódór: Hvaða litla?
Ólafur: Nú litla lögreglumanninn. Leit alveg út eins og kvenmaður. Og ekkert ósnotur kvenmaður svo sem.
Theódór: Það er ekki nóg með að hann hafi litið út eins og kvenmaður, þetta var kvenmaður.
Ólafur: Allan andskotann eru þeir farnir að draga í lögregluna.
Theódór: Maður veit aldrei hvað fólk hugsar. Veistu hvað ég var að hugsa hérna rétt áðan?
Magnús: Nei, það er ekki gott að segja.
Theódór: Ég var að hugsa hvað það er skrítið hvað hugsanir verða alltaf asnalegar þegar maður fer að tala um þær upphátt.
Magnús: Það er kannski þess vegna sem fólki er illa við að segja hvað það er að hugsa.
Magnús: Hvað mundir þú til dæmis segja ef ég segði þér að ég væri með krabbamein?
Theódór: Æ, ég veit það ekki, ég er bara ekki í stuði til að djóka.
Theódór: Góðan daginn góðir farþegar. Þetta er Theódór Ólafsson flugstjóri... yfirflugstjóri. Nú, við nálgumst nú Reykjavík og innan skamms munu flugfreyjur kynna fyrir ykkur notkun á súrefnisgrímum, áramótagrímum, slökkvitækjum, fallhlífum, björgunarbátum, dósahnífum, salernisskálum og öðru slíku...
Helena: Það vantar alltaf einhvern til að hlusta. Heyrirðu í mér Magnús?
Magnús: Já ég er að hlusta.
Helena: Elskarðu mig?
Magnús: Heldurðu að ég búi með þér til að fá frítt inn á málverkasýningar?
Ólafur Magnússon: Á ég ekki að opna aðra Malt? Þær verða bara volgar af því að vera þarna á borðinu.
Magnús: Ætli ég taki Maltið í gröfina. Drekkum og verum glaðir.
Ólafur Magnússon: [Rappar] Malt, Malt, Malt er svalt, einkum þegar það er kalt.
Theódor: Hvað ertu að gera pabbi?
Ólafur: Hvað, sérðu það ekki maður? Ég er að moka ofaní þennan skurð.
Theódor: Og hvað eruð þið þá eiginlega að gera?
Grafari: Nú, moka upp úr þessum skurði.
Ólafur: Teddi minn, farðu nú og útvegaðu mér jarðýtu, ég er orðinn leiður á þessum kappmokstri.
[Helena labbar inn í sjúkraherbergið og sér rúm Magnúsar tómt.]
Sjúklingur: Ert þú kona Magnúsar?
Helena: Hvenær?
Sjúklingur: Gærkvöldi.
Helena: Hvers vegna var ég ekki látin vita?
Sjúklingur: Hann bað um að láta engan vita af því. Hann ætlaði að vera kominn aftur.
Helena: Er hann þá... stakk hann bara af?
Sjúklingur: Nei, hann þurfti bara að skreppa.
Helena: Ég drep hann.
Leikendur
breyta- Sigurður Sigurjónsson - Einar
- Egill Ólafsson - Magnús Bertelsson
- Laddi - Theódór Ólafsson
- Guðrún Gísladóttir - Helena Ólafsdóttir
- Jón Sigurbjörnsson - Ólafur Theódórsson
- Ingimar Oddsson - Ólafur Magnússon
- Erlingur Gíslason - Óðinn Læknir
- Björn Karlsson - Grafari
- Stefán Þórir Guðmundsson - Sjúklingur
